Salmos 73:22-27

²²Mangshari ashirangina. Nda mangoonarangina. Manginshuch ashiruri, nda mangoonkuri tárangina.

²³Itaru Apaa, yutarit chinarangitaati, shiysha kuwiptish nuwaa mbam patsisakush, nda kasaksha.

²⁴Shiyash itsinsaru tachitamaam nuwaa mangi p'tseeksha, Shiyash kuskachuri, shiysha nuwaa mangish ksaptari, Naani, táchsha.

²⁵Kanindap shiyangzimari nuw kusamaam zandkina. Nuw shiyapa ipuneeruri taakuri, ¿mayangazeeja nuw nish tsapurunasush tamarachee?

²⁶Nuw nutsi mizpurishtaati, itaru shiysha Apaa, nuwaa nda kasakush arang tuwizpurtaksha.

²⁷Itaru, yuwaatssha tputs shiyaa tuwanlltakana, anoo shiysha tpachingayarush kasachsha.