Text copied!
BREAK EVERY YOKE
CopyCompare
Tayta Diosninchi Isquirbichishan
- Salmos

Salmos 25
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
67
68
69
70
71
72
73
74
75
76
77
78
79
80
81
82
83
84
85
86
87
88
89
90
91
92
93
94
95
96
97
98
99
100
101
102
103
104
105
106
107
108
109
110
111
112
113
114
115
116
117
118
119
120
121
122
123
124
125
126
127
128
129
130
131
132
133
134
135
136
137
138
139
140
141
142
143
144
145
146
147
148
149
150

Help us?
Click on verse(s) to share them!
1David isquirbishan alabansa. Tayta Dios, gammanmi mañacamö.
2Tayta Dios gammanmi yäracamö. Pengaycho canätaga ama camacächiychu. Chiquimajcunapis ama cushipämächunchu.
3Gamman yäracamoj cäga ama pipis pengaychöga cachunchu. Pengaychöga cachun mana ashipaycaptiqui contrayqui jatarejcuna.
4Tayta Dios, näniquita ricachimay. Ruranäta munashayquino yachachimay.
5Yachachimay ricachimay rasun cajta. Gamllami canqui Salbamaj Tayta Diosnëga. Vav Imay örapis gamllamanmi yäracaycämö.
6Tayta Dios, para-simri cuyapäcoj cashayquita, alli cashayquita yarpaycuy ari.
7Jucha rurashäcunata ichanga ama yarpaycuychu. Mösu car mana allita rurashäta gongaycuyna. Tayta Dios, fiyupa cuyapäcoj alli car yarpaycamay ari.
8Tayta Diosga allimi y juchaynajmi. Chaymi juchayojcunataga alli nänita ricachenga.
9Umildicunataga tantiyachinmi. Allillata rurananpämi yachachin.
10Tayta Diosga mandamintuncunata cumlejcunata cuyapanmi, aunishantapis cumlinmi.
11Tayta Dios nogapa juchäga aypallami. Gam alli cashayquita parlananpaj perdunaycamay ari.
12Tayta Diosga payta rispitaj runata quiquinmi yachachin imano cawananpäpis.
13Chaura cay bïdachöpis juc bïdachöpis allillami goyanga. Wamrancunanami chacranwanpis quëdanga.
14Tayta Diosga rispitajcunapa amïgunmi. Parlacur aunishantapis musyachinmi.
15Imay örapis Tayta Diosllamanmi yäracuycä ima mana allicunapitapis chapämaj captin.
16Tayta Dios, cuyapaycamay ari. Japallämi y llaquishami caycä.
17Shongöga masta mastami ushaycan. Mana llaquicunäpaj yanapämay ari.
18Masqui ricäramaypis. Fiyupa llaquishami caycä. Juchäcunapita perdunaycamay ari.
19Masqui ricäriypis, imano aypallashi carcaycan chiquimajcunaga. Fiyupa chiquimarmi wañuchimayta yarparcaycan.
20Paycunapitaga salbaycamay ari. Ama camacaycachiychu pengaycho canätaga. Gamman yäracaycämuptëga ama camacaycachiychu wañuchimänanta.
21Nogaga gamllamanmi yäracamö. Allillata ruranäpaj tantiyaycachimay ari.
22Tayta Dios, Israelcunataga llapan llaquicuycashanpita salbaycuy ari.


BREAK EVERY YOKE
Creating and distributing free Bible translations for the web and mobile phones to every tribe on Earth. Click to learn how you can support this work!