Salmos 41:2-11

²Xránadxu guxúequeze̱' le̱', ne gunézruje̱' le̱' xel-la' nabán. Gaca na tu da ba neza zrente̱ chee̱ bénnea' lu xe̱zr la xu nigá, na' quebe gudé Xránadxu le̱' lu na' benne' ca' dxeledábague̱' Le̱'.

³Xránadxu Dios gúxruqueze̱' le̱' gate zúe̱' lu xel-la' dxudía. Gun chawe̱' dute̱ da naque̱' gate na' quebe chawe' zue̱'.

⁴Gunnía': Xrana' Dios, bexache lazre' neda'. Bexún bénne'du xu'a lawe' da be̱na' dul-la gate gudábaga' Lue'.

⁵Benne' ca' dxeledábague̱' neda' dxelenné̱' chia' da cale̱la. Dxelenne̱': “¿Bátala gate benne' nigá, ne xenite le̱'?”

⁶Che xedajlenné̱'e̱ neda', dxelún lazre̱'. Dxelebéaje̱' neda' dizra' chee̱ bi da cale̱la gaca xelenné̱' chia', na' gate dxelexedxúaje̱', na' dxelexrúe̱' dizra' na'.

⁷Gate dxelezraga benne' dxelecuídene̱' neda', na' tu dxelenné̱zqueze̱' chia'. Tu dxuluchálajle̱zqueze̱' ljwezre̱' chia' neda' da naca da cale̱la, dxelenné̱':

⁸“Ba guxú'e̱ tu xízrawe̱' da gute na le̱', ne québedxa xexásaqueze̱' ga na' de̱'.”

⁹Cá'anqueze bénnea' guleza zri lazre' nen neda', bénnea' bxren lazra', na' gudágule̱queze̱' neda', benne' nigá dxedábagazegue̱' neda'.

¹⁰Lue', Xrana' Dios, bexache lazre' neda', ne be̱n xexasa' neda', na' xunézruja' benne' ca' ca da dxal-la' xelezí'e̱.

¹¹Caníqueze nezda' ba be̱na' da dxezaca ba lazru' Lue', chee̱ quebe bi xelebéle̱ benne' ca' dxeledábague̱' neda'.