SALMOS 41:2-10

²X̱anžon' gape chi'ikze' ḻe', na' wneẕjwe' ḻe' yeḻa' nban. Gak to yeḻa' ba nez ẕen che bennen' ḻo yežlyó nga, na' bi wdé X̱anžon' ḻe' ḻo na'gak benne' ka' bi ẕḻé'egekle' ḻe' chawe'.

³X̱anžo Dios góx̱wkze' ḻe' kate' die' gan ẕzáka'ḻi'e. Yeyón chawe'e dot da' nake' katen' bi zoe' chawe'.

⁴Wnnía': “X̱ana' Dios, beyache' ḻaže'l neda'. Beyón be' da' nakkza' dan' bena' doḻa' kate' bži'a chio' Le'.”

⁵Benne' ka' bi ẕḻé'egekle' neda' chawe' ẕnnégake' chia', na' ẕnnábgake': “¿Batx̱ gat benne' ni, na' gak gaḻ ḻáže'to' ḻe'?”

⁶Žedjwíagake' neda', san kege nich gak chia' da' chawe'. Ẕbéjgake' neda' diža' nich gak nnégake' chia', na' kate' žežójgake', na' ẕzégake' dižan'.

⁷Kate' ẕdobgak benne' ka' bi ẕḻé'egekle' neda' chawe', na' ẕnnétezegake' chia'. Ẕcháḻjḻentezegake' ljéžgake' ka' chia' neda', na' ẕnnágake':

⁸“Ba de'e to yižwé' da' goten ḻe', na' biž yeyase' gan die'.”

⁹Ḻeska' bennen' bga'n chawe'e ḻen neda', bennen' bx̱en ḻaža'a, na' bdáwḻenkze' neda', benne' ni wnnekze' chia' neda'

¹⁰san Le', X̱ana' Dios, beyache' ḻaže'l neda', na' ben ga yeyasa', na' yebi'a chegak benne' ka' da' yeyáḻa'gake'.