ܡܙܡܘܪ̈ܐ 41:2-10

²ܡܵܪܝܵܐ ܒܸܬ ܢܵܛܹܪܹܗ ܘܚܲܡܹܐ ܠܹܗ ܚܵܝܵܐ، ܒܸܬ ܗܵܘܹܐ ܛܘܼܒ݂ܵܢܵܐ ܒܐܲܪܥܵܐ، ܘܠܹܐ ܣܲܦܹܝܬ ܠܹܗ ܒܨܸܒ݂ܝܵܢܵܐ ܕܕܸܫ̃ܡܸܢܘܼ̈ܗ‌ܝ.

³ܡܵܪܝܵܐ ܒܸܬ ܣܵܢܹܕ ܠܹܗ ܥܲܠܔ ܫܘܝܼܬܵ‌ܐ ܕܟܹܐܒ݂ܘܼ̈ܗ‌ܝ، ܠܚܘܼܠܡܵܢܵܐ ܡܘܼܕܸܪܘܼܟ݂ ܟܠܹܗ ܡܲܪܥܹܗ.

⁴ܐܵܢܵܐ ܐܡܝܼܪܝܼ: ”ܝܵܐ ܡܵܪܝܵܐ، ܪܲܚܸܡ ܥܲܠܝܼ، ܒܲܣܸܡ ܠܓܵܢܝܼ ܒܗ̇ܝ ܕܚܛܹܐ ܠܝܼ ܐܸܠܘܼܟ݂.“

⁵ܕܸܫ̃ܡܸܢܝܼ̈ ܟܹܐ ܐܵܡܪܝܼ ܒܝܼܫܬܵ‌ܐ ܥܲܠܝܼ: ”ܐܝܼܡܲܢ ܒܸܬ ܡܵܐܹܬ ܘܛܵܠܹܩ ܫܸܡܹܗ؟“

⁶ܘܐܸܢ ܐܵܬܹ‌ܐ ܠܸܚܙܵܝܝܼ ܣܪܝܼܩܘܼܬܵ‌ܐ ܟܹܐ ܗܲܡܙܸܡ، ܟܹܐ ܓ̰ܲܡܸܥ ܥܵܘܠܵܐ ܠܸܒܹܗ، ܟܹܐ ܦܵܠܹܛ ܠܫܘܼܩܵܐ ܘܟܹܐ ܗܲܡܙܸܡ.

⁷ܟܠܵܝܗ‌ܝ ܣܵܢܝܵܢܝܼ̈ ܡܸܚܕܵܕܹ̈ܐ ܟܹܐ ܦܲܛܦܸܛܝܼ ܠܕܲܠܩܘܼܒ݂ܠܝܼ، ܟܹܐ ܚܵܫܒ݂ܝܼ ܒܝܼܫܬܵ‌ܐ ܥܲܠܝܼ، ܒܹܐܡܵܪܵܐ:

⁸”ܡܸܢܕܝܼ ܣܸܪܝܵܐ ܫܦܝܼܟ݂ܵܐ ܝܠܹܗ ܥܲܠܘܼܗ‌ܝ، ܘܐܝܼܡܲܢ ܕܕܵܡܹܟ݂ ܠܹܐ ܩܵܐܹܡ ܡܸܢܕܪܸܫ.“

⁹ܐܘܼܦ ܪܵܚܡܝܼ ܕܩܘܼܪܒܵܐ، ܗ̇ܘ ܕܗܘܼܡܸܢܝܼ ܒܝܼܹܗ، ܐܵܟ݂ܠܵܢܵܐ ܕܠܲܚܡܝܼ، ܡܘܼܪܸܡ ܠܹܗ ܥܲܠܝܼ ܥܸܩܒܹܗ.

¹⁰ܐܝܼܢܵܐ ܐܲܢ݇ܬ، ܝܵܐ ܡܵܪܝܵܐ، ܪܲܚܸܡ ܥܲܠܝܼ، ܘܡܲܩܸܡ ܠܝܼ ܕܦܵܪܥܹܢܗܘܿܢ.