Salmos 37:34-39

³⁴Guleza lazre' Xránadxu, ne be̱n ca da ba gunné̱', na' Le̱' chísaqueze̱' Lue' chee̱ gaca chiu' xe̱zr la xu nigá. Gate xelebía xi' benne' dul-la ca', na' lé'enu' na.

³⁵Ble'eda' tu benne' we̱n da zrinnaj, nagá'ane̱' szrente̱, na' guxánle̱'e̱ da de̱ chee̱' ca dxegula tu xaga zrente̱.

³⁶Na' gudé chee̱', na' québedxa zue̱' na'a. Bexílaja' le̱', san quebe nu bezrelda'.

³⁷Blaba lazre' ca naca chee̱ benne' li lazre', ne gunná' benne' xrlátaje lawe' da naga cheajsé̱ gaca tu da ba neza chee̱ benne' dxebeze̱' zri lazre'.

³⁸Benne' dxelune̱' da cale̱la xelebía xí'queze̱'. Quebe nu cha' xrtia ljwezre benne' dxelune̱' da zrinnaj.

³⁹Xránadxu Dios guseláquezé̱' benne' xrlátaje ca', na' Le̱' gutipe̱' lazre' benne' ca' lu zra chee̱ da ste̱be.