SALMOS 33:1-9

¹¡Le yebele ḻe'e, benne' chawe' ka', ḻaw X̱anžo Dios! Yeḻa' ẕka'n ẕen Dios chegak benne' chawe' ka' nakḻe'en x̱tan ḻawe' Ḻe'.

²¡Le wká'n ẕen Dios ḻen da' žinnle! ¡Le goḻ chie' ḻen da' žóḻ-ḻento' da' ze chi do chen!

³¡Le goḻ chie' Ḻe' to da' kob! ¡Le goḻ chawe', na' chinnle ḻen yeḻa' žebele!

⁴Ḻi ḻaže' nak x̱tiža' X̱anžo Dios, na' dot da' bene' benen' ḻo yeḻa' ḻi ḻaže' chie'.

⁵Ḻe' nži'ile' da' nak chawe', na' da' nak dot da' li. Benne' ka' do ẕente yežlyó nga zej nónbi'e yeḻa' žeyache' ḻaže' che X̱anžon'.

⁶X̱anžo Dios bene' ya'abá ḻen x̱tiže'e, na' yógo'te belj ka' da' zej nla' ẕan ya'abá bene' ḻen be' da' ẕžojen žoe'e.

⁷Ḻe' ẕtobe' nisdo', na' yeyonen' ka to ya'a nis. Ẕga'n chawe' nisen' gže' gan bkweze' latje chen.

⁸Le žebe X̱anžo Dios, yógo'tele zoale yežlyó nga. Le žebe ḻawe' Ḻe', yógo'tele ḻe'e zoale ḻo yežlyó,

⁹dan' bchaḻjze', na' gok yežlyón'. Wnnakze', na' wzoakzen.