A Umana Kakailai 33:1-9

¹Avat a umana tena takodo, avat a ngenge ma ra gugu tai ra Luluai; A pite varpa i topa ra dovot na tarai.

²Avat a pite pa ra Luluai ma ra pagol; Avat a kakailai na pite varpa pirana ma ra pagol ba a vinun na vinau tana.

³Avat a kakaile ra kalamana kakailai pirana, Avat a ubuubu mal ra pagol, ma avat a manga ongor tana.

⁴Tago ra tinata kai ra Luluai i takodo, Ma kana lavur papalum par i dovot.

⁵I mainge ra ko na mangamangana, ma ra takodo na varkurai. A gunagunan i kor ma ra varmari kai ra Luluai.

⁶A tinata kai ra Luluai i vaki ra maup arama liu, Ma ra lavur kor na magit tana i vana rikai ta ra vuvu na ngiene.

⁷I varurue ra polo na ta da ra anguvai; I vung vake ra ngala na tava da ta ra pal na vuvuvung.

⁸A rakarakan a gunagunan par na ru ra Luluai; A tarai par ta ra rakarakan a gunagunan diat a burut i tana.

⁹Tago ia iat i ga tata, ma di pait ia ka; la iat i ga vartuluai, ma i tur rikai bulu.