7X̱ana' Dios, benle chi'a kate' žḻiža' Le'. Beyache' ḻaže'l neda', na' bechebe chia'.
8Ḻo yichj ḻáẕda'wa' benla' chi'o, na' wnnó': “Da ga zoa' ni.” Yida' gan zo' Le', X̱ana' Dios.
9Bi wkache' ḻawo' Le' ḻawa' neda'. Ḻo yeḻa' ẕža'a chio' bi yebigo'o gan zoa' neda', wen žin chio'. Toze Le' žákḻeno' neda'. Bi wsano' neda', na' bi kwej yichjo' neda', Dios, weslá chia'.
10Ḻa'kze wsangak x̱a x̱na'a neda', yeka'akze X̱anžo Dios neda'.
11Bsedle neda' da' žak ḻažo'o gona', X̱ana' Dios, na' bḻoe'el neda' da' naken ḻi ḻaže' da' žaḻa' gona', dan' zej nyan benne' ka' bi ẕḻé'egekle' neda' chawe'.
12Bi go'o latje benne' ka' wžía yí'gake' neda'. Zej nyechjle benne' wen ḻaže' ka' neda', na' žesbága'gake' neda' ẕia.