Womusu 27:7-12

⁷Yinni Gusunɔ, nɑ nun soku. A nɛn nɔɔ nɔɔwɔ. A nɛn wɔnwɔndu wɑɑwo. A mɑn wurɑrio.

⁸Wunɑ ɑ nɛɛ, bu nun sɑ̃ɑwɔ. Wee, nɑ nun sɑ̃ɑmɔ.

⁹Nɑ sɑ̃ɑwɑ wunɛn sɔmɔ. A ku mɑn biru kisi. A ku mɑn ɡirɑ kɑ mɔru. Wunɑ ɑ rɑ mɑn somi. A ku mɑn deri. Gusunɔ nɛn Fɑɑbɑ kowo, ɑ ku mɑn yinɑ.

¹⁰Nɑ yɛ̃ mɑ bɑɑ nɛn tundo kɑ nɛn mɛro bɑ̀ n mɑn yinɑ, wunɛ Yinni Gusunɔ, kɑɑ mɑn mwɑ.

¹¹Yinni Gusunɔ, ɑ mɑn wunɛn swɑɑ sɔ̃ɔsio kpɑ ɑ de n sĩ dee dee ye sɔɔ, domi nɛn yibɛrɛbɑ bɑ dɑbi.

¹²A ku mɑn bɛri yibɛrɛbɑn nɔmɑɔ. A ku de bu mɑn kuɑ ye nɑ ǹ kĩ. Domi seedɑ dio weesuɡibu bɑ mɑn seesimɔ, be, be bɑ dɑm dɔrebun wɑsikirɑnu mɔ̀.