SALMOS 26:5-12

⁵Bi ẕḻe'ela' chawe' latje gan ẕdobgak benne' ka' bi zej nake' chawe', na' bi žoa'a tẕen ḻen benne' ka' žóngake' da' ẕia.

⁶Ẕḻe'elo' bi be ẕia nbaga'a, na' wak biga'a ḻo bkog la'y chio', X̱ana' Dios,

⁷gan goḻa' da' ka' we ḻawa'a Le', na' wzenla' benách ka' ka nak da' ẕen da' beno'.

⁸X̱ana' Dios, nži'ila' ližo' gan zo', na' latje la'y gan nḻa' ḻaw yeḻa' ẕen chio'.

⁹Bi wžía yi'o neda' tẕen ḻen benne' doḻa' ka', na' bi wdío' neda' tẕen ḻen benne' wetw benách ka',

¹⁰benne' ka' žóngake' da' bi naken chawe', na' ẕnéẕjwtezegake' mežw nich bi wchi'a ḻaže' no benne' da' ẕinnj da' béngake',

¹¹san neda' gónteza' da' nak ḻi ḻaže'. Beslá neda', na' beyache' ḻaže'l neda'.

¹²Dan' bénteza' da' nak chawe', na' wká'n ẕenkza' Le', X̱ana' Dios, ḻawgak benne' ka' zej ndobe' ḻawo' Le'.