SALMOS 18:2-5

²Le', X̱ana' Dios, nako' ka to yej gan zoa' choch, na' nako' ka to yo'o ẕen gan yo'o chawa'a. Nako' Benne' weslá chia', na' Dios chia'. Le' ẕzoa chocho' neda', na' wx̱én ḻaža'a Le'. Žape chi'o neda', na' žesló' neda', na' ẕkache' chawo'o neda'.

³Ẕnnia': X̱anžo Dios žaḻa' wká'n ẕenžo-ne'. Beslé' neda' ḻo na'gak benne' ka' ẕžá'agake' neda'.

⁴Wzóa' ḻo da' zede che yeḻa' got, na' gok da' ẕinnj ka to yegw nis da' bcheben neda'.

⁵Gota' ẕož chia' choa'a ḻo yi' gabíl dan' wzóa' ḻo da' zede che yeḻa' got.