Salmos 16:5-10

⁵Nuw shiyamunari mangi ksakina. Shiy nuwaa uru istaksha. Nuwaa tapachindaksha. Ichinguru zaree nuwaa ksutaksha

⁶Shiy nuwaam taarashee kizpur wanasiri ipusarangsha. Kapung mangi kisa. Arang taarashish min nuwaam wanindaja.

⁷Apaa, nuw shiyaa kapung chinakina. Shiy uru nuwaa machiksha. Psaantam nuwaa mangi p'tseeksha shiyaa itsinsaru tachitamaama.

⁸Shiy urutari nuwapa ipunarush taaksha. Uru nuwaa napaksha. Shaana nuwaa mbutsinungich wayaksha. Ashiri ¿Chaka nuwaa kasichinda?

⁹Ashirucha, nuw mangi ksakina. Nuw kuki murcha. Nuw mangi punirustacheezi,

¹⁰watam nuwaa mapumashta nda pakchiyam kasachshawa. Kani kanizeem kinacheeja. Nuw nutsi kuchacheeja, watam shaana nuwaa ipusamarshawa.