Salmos 16:1-4

¹Bxue neda', Dios, lawe' da dxuxrén lazra' Lue'.

²Lu xichaj lázrdawa' gucha' Xrana' Dios: “Lue' nacu' Xrana'. Quebe bi xetú da xrlátaje de̱ chia' da quebe naca na chiu'.”

³Tuze benne' ca' zaj naque̱' chee̱ Dios lu xe̱zr la xu, ne benne' ca' zaj naque̱' du lazre' dxezaca ba lázrele̱na'.

⁴Waxánqueze da dxelezaca benne' ca' dxelape̱' ba lá'ana tu dios quebe bi zaca. Quebe guna' le̱' tu zren gate dxuluzríe̱' zren lau dios na', ne quebe guchíneda' la dios na'.