Salmo 16:1-4

¹He Megbevayà, bentayi a, su ziyà a te kenikew med-aput.

²Iyan ka Nengazen ku, diyè dà ebpuun te kenikew is langun he menge meupiya he nezawat ku.

³Emun bahin te metinumanen he menge etew nu he ziyà med-ubpà te tanà he Israel he utew menge vuutan, dekelà is kelipey ku tenged kandan.

⁴Piru is menge etew he edsarig te menge ed-ezapen ed-iseg dà is kelised dan. Ne kenà a edtampu kandan te kebpelengesa zan para te zuma he menge ed-ezapen, ne kenè ku ebpengum-umawen is menge ngazan keniyan he menge ed-ezapen.