SALMOS 138:3-7

³Kate' bḻiža' Le', na' gókḻeno' neda'. Ḻen yeḻa' wak chio' ben chocho' neda'.

⁴Yógo'te benne' wnná bia' ka' nníta'gake' yežlyó nga we ḻáwgake' Le', X̱ana' Dios, dan' ba béngekle' da' ẕnna x̱tižo'o.

⁵Góḻgake' che da' ben X̱anžo Dios, dan' ẕente nak yeḻa' ẕen che X̱anžon'.

⁶Ẕente nak X̱anžo Dios, na' žákḻene' benne' gax̱jw ḻaže' ka', san bi žwi'e latje benne' ẕka'n ẕen kwine' žine' ḻawe' Ḻe'.

⁷Kate' že' zedla', Le' žon chocho' neda'. Ẕlago' benne' ka' bi ẕḻé'egekle' neda' chawe', na' ḻen yeḻa' wak chio' žesló' neda'.