Psalm 138:3-7

³Ngaye ngakayhmeng dja werrkwerrk ngudda kanwokbekkang dja kankangemarnbom dja kankangemurrngrayekwong.

⁴Kaluk birriwarlahkenh kings nawu kondah kurorre bu ngundiwokbekkan kore yiwokdi kundjen ke, wanjh ngundidjalmanjbun ngudda nawu Yawey.

⁵Wanjh bedda kabirriwayini bu kabirriyolyolme ngudda ke manbolh. Dja ngudda ke kunmakmak wanjh kunwernhkimuk duninjh.

⁶Yawey nawu nawernhkimuk duninjh kahni kore kaddum duninjh, dja bonj, nungka kabendjalnahnan nawu birrimarladj bininj. Dja bininj nawu kabirriburlumerren, nakka wanjh kabennan bu djal djarrehbeh.

⁷Bu kunyid nganmarnewernmerren wanjh ngudda kannahnan ba bu ngadjaldarrkiddi. Ngudda yibidyirriyo bu yibendabke bininj nawu ngandiwirrihme. Ngudda kanngehke kunbidkukunwi ke.