Text copied!
CopyCompare
Dižaʼ chaweʼ kub len Salmo kaʼ - SALMOS - SALMOS 119

SALMOS 119:65-94

Help us?
Click on verse(s) to share them!
65Žon chawo'o neda', wen žin chio'. X̱ana' Dios, žonon' ka ẕnnakze x̱tižo'o.
66Bsedle neda' da' nak chawe' nich chejni'ilan', dan' žejḻi'a da' wnnakzo' Le'.
67Néžwte ka bzex̱jo' neda' wdía' cheḻa'ale, san na'a žónteza' ka ẕnna x̱tižo'o.
68Nako' chawe', na' ẕnno' gon chawo'o neto'. Bsedle neda' nich gona' ka ẕnna x̱tižo'o.
69Benne' ka' ẕka'n ẕen kwíngake' wnnégake' chia' da' wen ḻaže', san dot ḻaža'a gónteza' da' bchi'lo' neto'.
70Bi yo'o yeḻa' žejní'il ḻo ḻáẕdo'gak benne' ka' san neda' žaz ḻaža'a gona' da' wnnakzo' Le'.
71Chawe' nak bzex̱jo' neda', nich wsedla' gona' ka ẕnna x̱tižo'o.
72Nákḻe'eže chawe' da' bchi'lo' neda', ka zante mil mežw oro, na' plat.
73Ḻen na'kzo' beno' neda' káteze naka'. Bzejní'il neda' nich wsedla' gona' da' wnnakzo' Le'.
74Benne' ka' ẕžébegake' Le' ḻé'egekle' neda', na' yebégekle' dan' žx̱en ḻaža'a gak kan ẕnna x̱tižo'o.
75X̱ana' Dios, nnezla' nak chawe' kan ẕchi'a ḻažo'o, na' ḻo yeḻa' ḻi ḻaže' chio' bsaka' zi'o neda'.
76Na'a ḻo yeḻa' žeyache' ḻaže' chio' beyón ẕen neda' káteze nak da' bchebe ḻažo'o gono' chia' neda', wen žin chio'.
77Beyache' ḻaže'l neda' nich soa' nbana' dan' žaz ḻaža'a gona' da' wnnakzo' Le'.
78Ben ga yedoé'egekle benne' ka' ẕka'n ẕen kwíngake', dan' ẕnnégake' chia', na' bi be bena' chégake', san neda' wláb ḻaža'a ka nak da' bchi'lo' Le' neto'.
79Ben ga ḻa'gak benne' ka' ẕžébegake' Le', nich yéngekle' chia', na' wsédgekle' da' žsedle diža' chio' neto'.
80Ben ga gona' dot ḻaža'a ka ẕnna x̱tižo'o, nich batkle yedoe'ela'.
81Že' zedle be' da' nakkza' dan' ẕbeza' ža yido' yesló' neda'. Žx̱en ḻaža'a gaken kan ẕnna x̱tižo'o.
82Že' bxin yej ḻawa' dan' žénela' yenla' da' nno', na' ẕnnia': ¿Batx̱kze yeyón ẕeno' neda'?
83Ẕbiža' ka to že'e yid dan' naḻan' ḻaw yi', san bi na' gaḻ ḻaža'a gona' ka ẕnna x̱tižo'o.
84¿Balx̱ ža soa' nbana' neda', wen žin chio'? ¿Batx̱kze gono' zi' benne' ka' ẕbia ḻáže'gake' neda'?
85Benne' ka' ẕka'n ẕen kwíngake' bché'ngake' to yežw gan chejbix̱a' neda'. Batkle žóngake' ka ẕnna dan' wnnakzo' Le'.
86Yógo'te da' bchi'lo' Le' neto' naken dot da' li. Gokḻen neda' dan' ẕbia ḻáže'gake' neda', na' bi be bena' chégake'.
87Yeláte'ze bétgake' neda', san bi na' wsana' gona' da' wnnakzo' Le'.
88Ḻo yeḻa' žeyache' ḻaže' chio' ben choch yichj ḻáẕda'wa', nich gónteza' ka žsedle diža' chio' neto'.
89X̱ana' Dios, to chi'ize zoa x̱tižo'o ya'abá na'le.
90Yeḻa' ḻi ḻaže' chio' žinen chegak yógo'te kwe' benách ka'. Le' bzoa chochkzo' yežlyó, na' zoakzen.
91Ni'a che da' wnnakzo' zej nnita' yógo'te da' zej de, na' yógo'ten žóngaken žin chio'.
92Chela' bi wyáz ḻaža'a da' wnnakzo' Le' bache wnitla' ni'a che da' wẕáka'ḻi'a.
93Batkle gaḻ ḻaža'a da' bchi'lo' neto', dan' ni'a chen ba ben chocho' neda'.
94Beslá neda' dan' naka' neda' chio' Le' na' žon byena' gona' kan ẕnna x̱tižo'o.

Read SALMOS 119SALMOS 119
Compare SALMOS 119:65-94SALMOS 119:65-94