Salmo 91:3-13

³Ilisi daka sin kaman bito ay maknaam ya kaeegyat ay sakit ay kateyam.

⁴Kaman kan kiyap ay sakokoan di ina na. Magay pan-egyatam tan wadas sisya ay mangayowan en sik-a. Matalek sisya et kaman mon salida.

⁵Sin labi et magay pan-egyatam, olay din panan di kalaban sin kaagawan.

⁶Sin labi ya kaagawan, magay pan-egyatam, olay dimonyo ono bigla ay sakit ay kateyan.

⁷Olay ad-ado di matey sin asag-en mo, ngem adi ka pay maan-ano.

⁸Mailam to ay mismo di kadosaan da din lawlawa di ogali na.

⁹Gapo ta si Yahweh ay Kangatoan di kinamang mo ay pansalinan,

¹⁰magay lawa ay mapasamak en sik-a ono somag-en sin beey mo ay mamaligat en sik-a.

¹¹Bilinen Diyos din aanghel na ta en daka ayowanan, olay intoy em-emeyam.

¹²Aklopen das sik-a ta adi maidosnog sikim sin bato.

¹³Din maangat ay layon ya eweg ay nagitaan et abakem ya igatin mo.