Salmo 90:1-10

¹Nengazen, puun pa zengan ne ziyè key en med-ubpà te kenikew.

²Hein wazà nu pa limbaǥa is menge vuntud wey is kelibutan, ne Megbevayè ke en, ne iyan ka ǥihapun Megbevayà te wazà pidtemanan.

³Kenikew he vayàbayà is kemetayen te etew; idlikù nu sikandin diyà te tanà he iyan kes ebpuunan din.

⁴Is nengkelibu he tuig kayi te kenami ne iring dà mulà te senga andew ziyà te kenikew, etawa iring dà heini te nepipira zà he uras te mezukilem.

⁵Edsevukan nu te ketepusan is untung dey iring heini te teǥeinep he meǥaan dà egkahanew.

⁶Wey iring te sagbet he edreteb wey edtuvù te meselem, ne emun mahapun en ne egkelay-ub ne egkeǥangu en.

⁷Igkeherati zey is pauk nu; igkezeeti zey is rerangit nu.

⁸Neehè nu is menge salè dey. Minsan is meeles is kebeeli zey zuen ne nepurung nu heini maahà.

⁹Ibpatey zey is pauk nu kenami; ne henduen dà te naasnaas is kegketapus te untung dey.

¹⁰Is keluǥayad te untung dey ne 70 dà he tuig, etawa 80 he tuig emun melig-en is kedlelawa zey. Piru minsan pa is kineupiyahan he menge tuig te ked-ubpè dey, ne mahabet gihapun he menge keseengan wey menge kelised is egkengeseǥazan dey. Tutuu iyan he meǥaan dà egketapus is untung dey ne egkahanew key en.