Samu 90:1-10

¹Kamongo emba yuu peparae namwanaanda angingyuo karenge.

²Yuu kyau dupwa wasapa nao karowape dee yuu muu peparae ingyalana karowape Anatu emba letena renge palyuo Anatu ingyuo karalu karengepya. Dokoko Anatu ingyuo karo puu parepya.

³Emba akali dupwa siyamo nyiinyi mare dokona range pao sinya leepya. Embame dee range alowa pyuo yuu inginyi pyambuipya.

⁴Ee kana taosande dupwa embame kandelene dokopa mee yuu gii mendaki ingingipya. Kwuaka yuu gii pupya kandapi dopale ingingipya. Yuu gii mee kukwamuu dopale ingingipya.

⁵Embame akalinya karenge gii doko pyarapanyi nembengepya. Kumulyaminyisa karenge gii dolapo mee kombeyame ingingipya. Nakama rambinya pipyae raiya doko mee yangama kondalamuli pyuo andarekara nao kumuo pengepya.

⁶Nakama isa jinginya mendeke yangama dokopa rao pee lapala alemanji olo kope lao kumunginyili pyuo penge.

⁷Embena imbu singi dokome namwa pyao kokwa sinyi nembapyamo karamano. Embena imbu singi wakasa nyipisa namwa pako karamano.

⁸Embame namwana koo dupwa kapa kandanyi nembo karene. Namwana koo yalu pyuo pilyamano dupwa kapa kanda nare ingya nalyamo.

⁹Namwa lete karenge renge doko embena imbu singi dokome andare kara nange. Namwa mee yuu kanda pele pele pipala pengelamo.

¹⁰Ee kana akalisakao pao akalisa yanda ipingi iki dusipa angi karamano. Kararama ingilyamo dee namwa porai ingyuo kararamande ramo doko ee kana akalisa mange lama ingyuo kararama ingyara. Dopa pyuo kararamanopape dolapona angi mende ingya napala mona nembengepe dee randape dupwanako mapyaramo kararamalyamo. Dopa pipala andare kara nao otarama ingilyamo.