Samsi 90:1-10

¹Aee–, Guyau, hitina yo hitina, um tau ita watanimai.

²Tuꞌa yo tanoꞌubu hola hige ti tubu, na um ibom Yaubada ota otafahina.

³Dodoga wa bui fafuyodi afusa. Uwen, “Umi tau peꞌi, au fafuyo afusa!”

⁴Boliman tausan-esega um matam yai mate doha bon moho, haꞌa ya ofi, e doha iꞌipa esega tuhulina.

⁵Dodoga edi mwahuli wa tomo feulaidi doha eno suwai ya ofi. Iti doha hawahawa hesa hwalahwalaladi ya in,

⁶na maimailafidi ya hohoya be ya peꞌi,

⁷laulauna doha manabalam ya fadawa wunumai, haba em manabala ꞌe ꞌwasabuwen.

⁸Ema heyaya wa famahatadi, simosimodi hinaga wa itadi.

⁹Ema miya lahaidi mahudoꞌidi yai wa manamanabalaꞌemai, ema mwahuli wa tomo feulaidi doha yahafuwa.

¹⁰Gonowana te miya boliman 70, na yena te fulufuluga haba 80, in moho ema miya lahaidi yai pilipili yo kamkamna ꞌe fafahoinadi, na hige walolona ꞌe peꞌi.