Salmo 7:5-9

⁵olay bay-am ay dompap din kalaban ko. Bay-am ay pomse da ya taynan da din bangkay ko sin lota.

⁶Pomika ka koma, Apo, gapo sin bonget mo ta sangoem din mabonget ay kalaban ko. Man-gonay ka ta bomadang ka, Diyos ko, tan waday timpo ay pangokomam ay inkeddeng mo.

⁷Sinopem din ipogaw sin kailiili ta likoben das sik-a. Tomokdo kad langit ay mangituray en daida.

⁸Sik-a di mangokom si am-in ay ipogaw, Apo. Ibagam di ikeddeng mon sak-en ta maammoan ay magay basol ko.

⁹Ammom di am-in ay panggep ya nemnem yan kosto am-in ay amagem. Topapem din mangamag si lawa yan gon-gonaam din nalinteg di ogali da.