Salmo 78:2-9

²Pangarig di osalek ay mankali en dakayo. Din napasamak ed idi, waday naoneg ay maitdo, et say ipalawag ko en dakayo.

³Da nan dinnge ya inammoan tako ay inbagan di ap-apo,

⁴adi tako isaot sin aan-ak tako, mo adi et dad-aten tako sin aap-o tako din panakabalin Diyos ya din inam-amag na ay kaeegyat ya kaeetnga.

⁵Inbaga na din linteg na sin polin Jacob ay makwani en Israelita. Binilina din aap-o tako ay itdo da din linteg na sin aan-ak da

⁶ta adalen din maisokat ay poli da ya itdo da abe sin aan-ak da.

⁷Say inbilina di en daida ta si Diyos di pantalkan da ya adi da linglingan din inam-amag na et tongpalen da din bilbilina

⁸ta baken dan kaman din ap-apo da ay nangonkontra en Diyos ya makenteg di nemnem da. Adi da nantalek en Diyos ya baken dan napodno en sisya.

⁹Din polin Efraim yan nan-armas da si pana, ngem sin timpon di gobat, nanagtag da.