Salmo 78:13-18

¹³Din baybay yan nansianena et nandanenas daida, kaman dingding sin nan-inigid din danom ay inpaginek na.

¹⁴Inpango nas daida babaen si liboo sin kaagawan ya maninsinlabi babaen si apoy ay mabidang.

¹⁵Nan-ekangenay bato sin kadardaratan et inpawada nay danom ay kaman ginawang, mansobsobra ay en da nan-inoman.

¹⁶Inpawada nay obbog sin bato et nan-oyas di danom ay ad-ado.

¹⁷Ngem intoltoloy da ay nanbasol en Diyos ay Kangatoan, kinontra das sisya sin lugar ay kadardaratan.

¹⁸Ginagara da ay namadas en sisya sin nankedawan das makan ay aklongan da.