Salmo 72:3-10

³Balù dad bulul gumule i dad tom nun bong ulê kadang i fulela déén, du mdà di matlu kagotan.

⁴Nsenan i kaglut i dad to landè knun, na falwaan dad to landè tmabeng dale di agot dad mkut dale, na toon fnisan dad mkut i dademela to.

⁵Na là tlag i kagotan di klo nun duh fa na bulen, na di klo i nun to di tah tanà.

⁶I ktabeng i kagotan salngad di ktabeng i ulen tatek di dad fule, na i tlitik tatek di tanà.

⁷Too matnù i katlu i dad to di klo i kagotan, na too nun ktanak i banwe landè gutlagan.

⁸Magot kenen i klamang banwe mdà di satu mahin kel ditù di satu mahin, mdà di bong yéél Yufratis kel ditù di klamang banwe.

⁹I dad to dmuen kenen, lkuad fdanà di kenen kadang, na lamfan di tanà di munan.

¹⁰Dad harì di banwe Ésfanya na di dademe banwe di kilil i mahin mlé di kenen kadang, na kel di dad harì di banwe Arabya na Itiyofya mlé di kenen.