Salmo 69:27-34

²⁷Nemnemem koma amin di basol da sin pangokomam en daida ya adi kan itapi ay isalakan daida.

²⁸Ponasem koman ngadan da sin libro ay naisolatan di ngadngadan din waday biyag na, sin listaan di nalinteg adi kan ibilang daida.

²⁹Ngem sak-en yan palpaligaten da, omisalakan ya somalaknib ka koma.

³⁰Idayaw kos Diyos babaen si kankanta ya bigbigek di kinangato na sin man-iyamanak en sisya.

³¹Tan siya dana di mas laylaydena mo din maidaton ay bomaro ay baka.

³²Malaydan din mapalpaligat mo ilaen da na, din manaydayaw en Diyos et mapapigsa din nemnem da.

³³Tan din kakkaasi, patgan Diyos din kararag da, ya adi nan baybay-an din naibabalod ay ipogaw na.

³⁴Dayawen yo si Diyos, dakayo ay langit ya daga, baybay ya amin ay manbibiyag en daida.