Salmo 60:1-6

¹Binmaybay-an ka, Apo, et naabak kami. Binmonget ka kayman en dakami, ngem ed wani, sagongem kod dakami.

²Inkiweg mo din daga et nan-ekang da, ngem ed wani, iamag mo koma din dadael na ta adi masepsep di kasasaad na.

³Inpalak-am mo sin ipogaw mo di palalo ay ligat. Indawtam dakami si bometeng ay arak.

⁴Tinood moy sinyal para sin mangipateg en sik-a ay say pantopogan da ta mailisian da din panan di kalaban da.

⁵Babaen sin panakabalin mo, isalakan mo din laylaydem ay ipogaw mo. Patgam kod din kararag mi ta isalakan mos dakami.

⁶Sin Timplom yan kanam, Apo, “Mo makdeng ay mangabakak, bingayek to ed Sekem ya tanap ed Succot sin ipogaw ko.