Salmo 51:7-14

⁷Dalosam sak-en ta makaan basol ko, ta kamanak mankikilat ay dalalo.

⁸Ipadngem koma en sak-en di pamakawan mo ta say maragsaragsakanak ay kosto, tan kamanak namekmek sin dosa ay inkeddeng mo.

⁹Baken koma din basol ko di pag mon isisin-eng, mo adi et linisam komas sak-en.

¹⁰Baro ay nemnem di idawat mo koma, ay nadalos, baken natapian si lawa, ta say ipapasnek ko ay mansilbi en sik-a.

¹¹Adi ka koma omipakaan sin kad-am, ya adim aben ipalobos ay tomaynan din Ispiritom ay Nasantoan.

¹²Ipataolim kasin din palalo ay ragsak ko begew sin panangisalakan mo. Idawat mo koma kasin din layad ko ay manongpal sin bilbilin mo.

¹³Asiak itdoan din managbasol ay gagait ko ta tongpalen da abe din bilbilin mo. Dokogan da di lawa ay am-amagen da et pag dan mantaoli en sik-a.

¹⁴Pangaasim kod adi ay Diyos ta omisalakan ka sin basol ko ay namseak si ib-a ta say mabalin ay idaydayaw kos sik-a. Asiak ipaammo din kinalinteg mo dowan kon ikankanta din dayaw mo.