Salmo 51:2-14

²Lùlui nu is kegkezaat ku; lumpiyuwi a te menge salè ku.

³Su langun he timpu ed-isipen ku wey ed-engkenen ku is menge salè ku.

⁴Diyè e zà te kenikew mekesalà. Mibeelan ku is menge vaal he mid-isip nu he mezaat. Umbe hustu is menge lalag nu he ebpekesuǥat kedì. Utew hustu is kedhukumi nu kediey.

⁵Lalung a wey mekesesalà a puun pa te kegkeetew ku.

⁶Iyan egkesuatan nu is ebpuun te keputian te atey he meheǥet wey tinutuuwà he ked-ul-ulaha te hustu; umbe penurua a su wey a mehimu he uluwanen.

⁷Iawè nu is menge salè ku su wey a melumpiyuwi; lùlui a su wey a mebmeputì.

⁸Ipeǥezam nu kediey is kelipey wey keǥalew, para zuen ku ǥihapun kelipey minsan pa te henduen te edrupeten nu is menge tulan ku.

⁹Iawè nu is menge salè ku; penasa nu is langun he kelelalung ku.

¹⁰He Megbevayè ku, lumpiyuwi nu is gehinawa ku, ne beǥayi a te veǥu wey mepezumdumahan he ǥehinawa.

¹¹Kena a kenikew segseǥa puun te etuvangan nu, ne kenè nu iawà kayi te kediey is waǥas he Mulin-ulin nu.

¹²Ilikù nu kayi te kediey sikan is kelipey he neseǥazan ku hein midlibri a kenikew. Ne veǥayi a te metinumanen he ǥehinawa.

¹³Ne zutun ibpenurù ku is menge paaǥi nu ziyà te menge mekesesalà su para mekelikù sikandan diyà te kenikew.

¹⁴He Megbevayà he menluluwas ku, libriya a te salè ku he iyan is kedhimatey, ne ebpekezaǥing a is edtudtul te kedlibriya nu kedì.