Salmo 47:6-9

⁶Mankanta kayo ay mangidayaw en Diyos Apo, idayaw yos sisya ay ari tako.

⁷Tan sisya di mangituray sin intiro ay daga, isonga dayawen yos sisya babaen si kankanta.

⁸Tinmotokdo si Diyos sin nasantoan ay trono na. Din nanasyon et iturayana.

⁹Din tuturay di nanasyon yan masinop da ta makikadwa da sin ipogaw na, ipogaw Diyos ay dinaydayaw Abraham. Tan sisya din kangatoan, amin ay ari et ena iturayan.