Salmo 38:5-13

⁵Naboyok et man-agob din sogat ko gapo sin kinaong-ong ko.

⁶Adiak makabangon gapo sin sakit ko. Maninsin-agew ay man-og-ogaak si ladingit ko.

⁷Man-atong ay kaman apoy nan awak ko, palalo nan sakit ko.

⁸Enggay kinmapsokapsotak, Apo, manbayewengak gapo sin sakit di nemnem ko.

⁹Ammom din laydek, Apo, dedengngem amin ay bayeweng ko.

¹⁰Mankayebkeb nan poso ya enggay kinmapoyak, kinmapsot abe nan matak.

¹¹Adi somag-en din gagayyem ya katokmang ko gapo sin bayang ko, olay abe din toton-od ko.

¹²Din manpanggep sin biyag ko, man-amag das tagdey da, din manglayad ay domadael yan omipalawlawa da, adi da somaldeng ay manplanos lawa.

¹³Ngem kamanak nateweng, tan tetewengek daida, ya kamanak omel, tan adiak songbatan din ibaga da.