Salmo 144:13-15

¹³Sapay koma ta mapno din agamang mi si amin ay kalasin di apit mi. Din kakarnero sin pastolan mi et sapay koma ta niliblibo di an-ak da.

¹⁴Din baka mi abe et sapay koma ta tomaba ya pomigsa da. Maga koma di mangobat sin ili ya magay maibalod sin addawi. Maga koma abe di man-adawag sin kalsada gapo si ligat da.

¹⁵Nagasat di nasyon ay kaman nina di kasasaad da, nagasat di ipogaw ay si Yahweh di daydayawen da.