Salmo 132:8-17

⁸Omali ka ay Diyos sin Timplo ta say panteam si kosto, koyogem din Baol di Tolagan ay sinyal di panakabalin mo.

⁹Din papadim et sapay koma ta nalinteg di kabibiyag da, din ipogaw mo abe et ibogaw da koma di ragsak da.

¹⁰Gapo sin inkarim en David ay bag-en mo, adi ka koman dokogan nan ari ay insaad mo.

¹¹Et siya nay karim en David ay en ka insapata, say dadlon kan tongpalen ay magay dowadowa: “Isaad ko ay ari di esa ay polim ay maisokat en sik-a.

¹²Et mo tongpalen din an-ak mo din intolag ko en sik-a, mansososkat di poli da ay manturay si eng-enggana.”

¹³Pinilin Diyos ed Jerusalem ay say kosto ay panbeeyana.

¹⁴Kanana, “Isnay laydek ay panteak ay manturay si eng-enggana.

¹⁵Idawat ko din amin ay kasapolan di man-ilis na, olay din nabibiteg et mangan da enggana ay mabsog da.

¹⁶Bindisyonak amin ay amagen di papadi sin isna et ibogaw din ipogaw di ragsak da.

¹⁷Awni et dotokak sin polin David di esa ta manturay si eng-enggana.