Salmo 129:1-7

¹Dakayo ay Israelita, ibaga yo din namalpaligatan di kalaban yon dakayo manipod pay sin naisaadan di ili yo.

²Kanan yo, “Kanayon ay pinmaligat di kalaban mi manipod sin nanlogian di ili mi, ngem polos ay adi da inabak dakami.

³Palalo ay sinoplisoplit das dakami, nanbalinen da ay kaman payew ay naalado din edeg mi.

⁴Ngem si Diyos ay nalinteg et winayawayaanas dakami sin naibabag-enan mi.”

⁵Sapay koma ta amin ay mangililiget ed Zion yan maabak da ay maidenden.

⁶Kaman da koman logam sin toktok di beey ay daan magabot yan enggay natey.

⁷Maga di mangani ya mangsinop en daida.