Salmo 119:66-72

⁶⁶Kedawek en sik-a di sirib ya laing ko ay mannemnem ya mangamag si kosto, tan mantalekak sin bilbilin mo.

⁶⁷Ed idi, kanayon ay masangsangawak, et dinosam sak-en ta say manpakombabaak, ngem ed wani, din kalim di on-onodak.

⁶⁸Siged ka et siged amin ay am-amagem, itdom kod linteg mo en sak-en.

⁶⁹Domadael ya omipalawlawa din mangit-it-ek si awak da, ngem ipakat ko amin ay kabaelak ta din bilbilin mo di onodak.

⁷⁰Din kalim, adi da maawatan, ngem sak-en pay et say enak panragsakan.

⁷¹Pansigdak din dosa ay indawat mo, tan begew isdi, maawatak din linteg mo.

⁷²Nabanbanol en sak-en din en ka initdo, mo din balitok ya palata ay kalibolibo.