Salmo 119:36-43

³⁶Idawat mo kod di layad ay manongpal sin linteg mo ta baken kinagamgam di wadas nemnem ko.

³⁷Iturong mo kod sak-en ta adiak banolen di magay silbi na ya idawat mo di biyag ay tet-ewa sin pangon-onodak en sik-a.

³⁸Din karim en sak-en ay baam et tongpalem koma, ay say inkarim sin amin ay mangipateg en sik-a.

³⁹Din nakaskasdaaw ay ikeddeng mo di mangilisi en sak-en sin kaibabainak ay ieg-egyat ko.

⁴⁰Laydelaydek ay tongpalen din bilbilin mo. Nalinteg ka isonga pabaroem kod nan biyag ko.

⁴¹Ipailam kod en sak-en san adi manbalbaliw ay layad mo ya omisalakan ka tan say inkarim, Apo,

⁴²Et mo siya di, din lomaslasoy et mabalin ay songbatak, tan din karim et say pantalkak.

⁴³Idawat mo kod di kabaelak ta kanayon koma ay din tet-ewa di ibagbagak, tan din kosto ay ikeddeng mo di pantalkak.