Romu 13:3-12

³Na'ankure kamani vahe'ma mani'nazana, fatgo zama haza vahe zamazeri korera nosaze. Hianagi kefozama haza vahe zamazeri korera nehaze. Kamani vahe'ma kore huozmantesue hanunka, fatgo kavukva nehuge'za, kazeri antesga hiho.

⁴Kamani vahe'ma mani'nazana tamagri knare zanku huzmantege'za mani'nazanki'za, Anumzamofo eri'za vahere. Hianagi kagrama hazenkema nehanunka, korera hugahane. Na'ankure zamagra hazenkema hanaza vahe'mokizmi, knomazamino zmazeri fatgohu hakavea eri'naze, kano zamiza zamazeri fatgo hanaza agafare, Anumzamo'a zmantege'za mani'naze.

⁵E'ina hu'negu Kamani vahe'mokizmi zmagorgama mani'zamo'a knare hu'ne. Hianagi zmaheno zmazeri ante fatgo huzankukerompage, tagra'a tagu'tagesafina fatgo'za nehune huta antahigahune.

⁶Ama ana agafare takisi zagoa miza nehune. Na'ankure kamani vahera Anumzamofo eri'za vahe mani'naze, hakare'a knazupa zmagra vahe'ma kvagrizmante eri'za enerize

⁷Ana miko vahe'mokizmi zama eri'nesanazana etenka zamio, takisi zagoma amio hunesizana neminka, fenoma mizasenante takesi miza huo hanigenka miza nehunka, kore huzmanteho hu'nesaza vahera, kore hunezmanteta, ragi zmagi zmiho hunesia vahera, ra agi zamiho.

⁸Atrenkeno nofima hu'zamo'a tamagripina omaneno, hagi rumokizmi zamavesinte nofimoke tamagripine meno. Na'ankure tva'ontamirema nemanizamokizmigu avesintezamo'a, kasegemoma hu'nea kea eama nehie.

⁹Na'ankure kasegefina amanage hu'ne, Ru vene a'enena monko'zana osuo, Vahera zmahe'ofrio, kumzafa oso, vahe zantera kegnunu osuo hu'ne. (Eks-Uti 20:13-17) Ruga'a kasegemo'za ama magoke kasegefi me'naze. E'i ana kasegemo huno, kagraguma kavesi nentanankna hunka, tva'onkare maninesimofona avesinto hu'ne. (Lev-Pri 13:9)

¹⁰Tva'ontema mni'namokizmi avesintezamo'a havizana omnene. E'i ana hu'negu vahe'ma zmesintezamo'a kasege eriknare nehaze.

¹¹Tamagra ama anahu tamavutamava hiho, na'ankure tamagra antahinaze, menina knamo'a kofa hu'nefi mni'nonanki, masenazafintira otiho. Na'ankure tahokeno tavrezamo'a, tagu'ama rukrehema hunontetima amare'ma ehnatiana, hago menina erava'o nehie.

¹²Hanizamo'a kofta huno vagaresigeno, masama fore'ma hania zamo'a kofta hu'ne. Ana hu'negu hanizamofo avu'ava zama nehuna zana netreta, msamofo ha' kukena hanune.