3Ngangau kaparali wata ngankana ngumuni japa jinkiai, a-ai, madlentjani. Jundru ngantjai kaparandru wata japali nganala, jeruja ngumu ngankamai, ja jundru jurakokani nunkangundru manila nganai.
4Ngangau Godaia mili naupini nganai jinkangu ngumuja. Jundru madlentji ngankanani, japali nganamai; ngangau nulu mardakirra wata bakujeli mandrai. Ngangau naupini Godaia mili nganai, tirieli kalala jinkila nunkangu, nulu madlentji ngankai.
5Jendrangundruja jidni wodatarana ngamananto, wata windri tirilandru, a-ai, bakana ngarala ngaialandru.
6Jendrangundruja jura bakana kalala jinkiai, ngangau tanapiui kapara nganai Godandru, tanali jenipara mangini milingeru ngankai.
7Jinkianau pratjanani, mina jura tanangu wilpanto nganai: Kalala nunkanipini, nunkangu kalala nganai; mardatandra nunkanipini, nunkangu mardatandra nganai; ja japa nun kanipini, nunkangu japa nganai; pirnala nunkanipini, nunkangu pirnala nganai.
8Wata jutjunto ngamanau kana kulnuni, windri jura ngantjamalinanto; ngangau warle kana nguru ngantjananj, jirijiribani jaurani pankinani.
9Ngangau tanapini jaura pratjana: “Wata pinta wokaribamai, wata naria nandramai, wata kurieli maniamai, wata jedi jaura morlalu kuramai, wata milkirina najianimai,” ja mina jirijiribani jaura morla nganai, nunkangupini jaurani parai: “Ngurala jinkani ngantjamai, jidna munta jeribaka.”
10Ngantjanali nguralani wata madlentji ngankai. Jeruja jirijiribani jauraia manamirila ngantjana nganai.
11Ja ngangau ngaiani jenia miljaru ngujamai, ditji matja wokarana warai mukandru jiritjinanto; ngangau karari kulkani ngaianini morla karakararina warai warulani, ngaiani woninala morlalu ngundrala,
12Tinka ngampu mudana warai, ja ditji karakararina; jeruja ngaiani ngalpuruja ngankana dukaraterinanto, ja praitjaia ngankana widmaterinanto.
Romalani 13
Romalani 13:3-12