ROMANOS 15:8-12

⁸Janch tɨy'ajt co Cristo y'oy ya naaxhuiñ, oy pubety judíojäy ajcxy, e jadu'n cuyduñ Dios ytɨy'ajt huɨdi yajhuinhuanɨɨy Abraham, Isaac etz Jacob jecy'ajty co jadu'n tuna'ñ mɨɨd yɨ' ajcxy ycɨxpɨ.

⁹Nañ jadu'n Cristo ooy pubejty yɨ huɨdibɨ ca' yjudíojäyɨty, jaydëbɨ ajcxy capxpaadɨpy Dios, mɨɨd co tɨ ypa'ayoyii ajcxy. Com jaybety jadu'n ymiñ ma Dios ñecy, ma jadu'n David ymɨnañ: Com miich Huindzɨn Dios tɨ xycohua'ñɨch paady miich ngapxpaady ma yɨ jäy ajcxy huɨdibɨ ca' yjudíojäyɨty. Ɨɨch miich nhuin'ɨɨhuɨpy mɨɨd himnos.

¹⁰E nañ jaybety jadu'n ymiñ ma Dios yñecy: Jotcujc'ajtcɨxy quipxy mɨɨd Dios yjäy miich ajcxy huɨdi ca' yjudiojäyɨty.

¹¹E nañ jaybety jadu'n ymiñ ma Dios ñecy, ma jadu'n ymɨna'ñ: Capxpaatcɨx yɨ Huindzɨn Dios miich ajcxy huɨdi ca' yjudíojäyɨty. Capxpaatcɨx yɨ Huindzɨn Dios miich ajcxy nidüg'ócɨy naaxhuiñyjäy.

¹²E Isaías ycojay nañ jadu'n ma yɨ' ñecy, ma jadu'n ymɨna'ñ: Ma'xung'adamb tüg Isaí y'ap y'oc, e yɨ' ane'mamb yɨ jäy huɨdibɨ ca' yjudíojäyɨty. Co yɨ jäy ajcxy huɨdibɨ ca' yjudíojäyɨty mɨjpɨdägɨpy je mɨj'ane'mbɨ, hue' ajcxy yjɨjp'ijxpy co möhuaanɨp oy'ajt.