8Sumaj tantiyacushun. Washäcuj Jesús yanapäcuj cananpaj cay pachaman shamuran. Israel-masincunata washänan-raycur Tayta Diosninchi caćhamuran unay Israel auquillunchicunata aunishanta ćharcucächinanpaj.
9Jäpa runacunatapis washänan-raycur caćhamuran. Jesús llaquipaptin, jäpa runacunapis Tayta Diosninchita alliman ćhuraycan. Paycunapaj Tayta Diosninchipa shiminpis nin: «Taytallau Tayta, jäpa runacunawan juturparpis, alliman ćhurashayqui. Cantar allićhu jurgushayqui.»
10Chaynuypis nin: «Tayta Diosninchi acracushan runacuna cushicuptin, llapan runa may-chayćhu juyarpis, cushicuchun.»
11Jananmanpis niran: «Llapan jäpa runa Tayta Diosninchita alliman ćhuraycullächun. Llapan runa manchapacur, allićhu jurgullächun.»
12Willacuj Isaíaspis niran: «Jesépa willcancunapita juc munayniyuj yuringa. Llapan jäpa runacunata maquinćhu purichinga. Payman jäpa runacunapis yupachicunga.»
ROMANOS 15
ROMANOS 15:8-12