8Tetí ankan afovasá ó tifano. Yisas Karaisi ma Yutan kayoi yoran bantaí ma ein mai anoi mai ma vetin anafu aráompin ma iyáantákaré ein baya ano kanaí intin mai Tiyarafenu ano furan tikharen mino sino van mino.
9Inká ena anan nanin banta avábá uantádantin betin má dere Tiyarafenu aví daní ino van mi Karaisi eren mino. Mai van mi vompon dóki ano máa sikhen mino. “Ena anan nanin banta finté uaré éin aví daní onté uno. Éin aví daní in í kayo yanté uno.
10Tiyarafenui vompon dókifin enádá máa sikhen mino. “Ena anan nanin banta kayo oe, Tiyarafenui vanasi vasá manafin amusin ono.”
11Inká evaránen máa sikhen mino. “Tireti ena anan nanin banta oe, Bafan avisá daní ono. Minó barará nanin banta oe, véin avisá daní ono.”
12Inká sakhanampa vanta Aisaiya máa sikhen mino. “Yesin anan pinté ma afoká in nain banta ano minó barará difíbintin maen béi anan tiya uren evaránen tiviranten mino siren ena anan nanin banta ano ventá mumunan inten mino.”
Romu 15
Romu 15:8-12