Room 15:8-12

⁸Eöꞌ to iu soe hah ka noꞌ neöm pan, e Ieesuꞌ Kristo to tavus voh a teꞌ kikiu po Jiuꞌ marën a vaꞌaus raoe. Eꞌ to nok vavoh nën pa vataare pan, a ma soe pe Sosoenën manih pa kën sipuiiro Jiuꞌ to teꞌ man e ne.

⁹Eꞌ to nok suk pet vavoh nën pan, o teꞌ varih to hikta teꞌ ne pan ee ro Jiuꞌ se kë a ëhnan e Sosoenën, suk o ururuan vëh neꞌ to heꞌ voh raoe vamanih pa ö ne Devit to soe vavoh manih pa ma kiun va po Puk Vaëhëh, “Eöꞌ se kë peah a ëhnöömah pa topniira napan varih to hikta teꞌ ne pan ee ro Jiuꞌ. Paröꞌ kë a ëhnöömah po vaëhëh.”

¹⁰A ma kiun va po Puk pe Sosoenën to soe pet va e ne manih pan, “Eöm varih a napan to hikta teꞌ nem pan eöm ro Jiuꞌ, eöm se vaeö vaꞌpeh rakah me ra napan pe Sosoenën.” Vaeö rakah peöm varih to hikta teꞌ nem pan eöm ro Jiuꞌ, eöm se vaeö vaꞌpeh me ra napan pe Sosoenën.”

¹¹A ma kiun va po Puk Vaëhëh to soe pet va e ne manih pan, “Eöm varih a napan to hikta teꞌ nem pan eöm ro Jiuꞌ, eöm se kë a ëhnan e Sunön. Eöm kurus a napan se kë a ëhnaneah.”

¹²A teꞌ vanënën soe vëh e Aisaëaꞌ to soe me voh en pan, “E sunön voon se taneꞌ maꞌ po vuteꞌ pe Jësiꞌ. Eꞌ se nö maꞌ pa matop a napan varih to hikta teꞌ ne pan ee ro Jiuꞌ, A napan kurus poë varih to anoeh me ne sih o vaman pa ma tapui neꞌ se heꞌ raoe.”