8Yesu Kristube Al Kuruŋ beleŋ hakot Yuda marte hakwamiŋ yago hitte biŋa tiyyiŋ goyen fudinde kawan forok yeke Yuda mar beleŋ keneŋ bebak teŋ teŋ niŋbe gogo Yuda mar gote meteŋ al heŋ megen gar katyiŋ geb, gago kadom igiŋ nurd guneŋ teŋ hinayiŋ dineŋ hime.
9Be, Yesu megeŋ gar katyiŋ gobe al miŋ hoyaŋ Yuda mar moŋ beleŋ keneŋbe Al Kuruŋ beleŋ buniŋeŋ yirde hiyen goke deŋem turŋuŋ yaŋ irde hinayiŋ yeŋbe gogo megen gar katyiŋ. Niŋgeb goke teŋbe Dewit beleŋ Al Kuruŋyen asaŋde tikiŋ kura gahade kayyiŋ: “Niŋgeb ne gayen al miŋ hoyaŋ Yuda mar moŋ kahal bana heŋ turuŋ girde heŋ. Deŋge isaŋ heŋ heŋ ge tikiŋ heweŋ,” yitiŋ hi.
10Irde kurabe: “Al miŋ hoyaŋ Yuda mar moŋ, deŋbe alya bereyamiŋ Yuda marya amaŋ henaŋ,” yitiŋ hi.
11Be, mere hoyaŋbe gahade: “Deŋ al miŋ hoyaŋ Yuda mar moŋbe tumŋaŋ Doyaŋ Al Kuruŋ turuŋ irde hinayiŋ. Deŋ alya bereya megen haŋ tumŋaŋ turuŋ irde tikiŋ henayiŋ,” yitiŋ hi.
12Irde Aisaia beleŋ gahade kayyiŋ: “Yesiyen miŋde niŋ al kura forok yiyyeŋ. Yeŋ beleŋ al miŋ hoyaŋ Yuda mar moŋ doyaŋ yireŋ yeŋ wayyeŋ. Irkeb mel gobe yeŋ beleŋ waŋ igiŋ yird yird niŋ doyaŋ heŋ hinayiŋ,” yitiŋ hi.
Rom 15
Rom 15:8-12