8Go ina tàwà pâ: Wà Kériso, âna é me naani gòropuu, ba na é pwi ênawéna kà tèpa *Juif. Â é paari pâ, wà Pwiduée, âna é pacoo ê pâ auinabéaa kêe tà tèpa jojoorojè.
9Â wà tàpé na càra caa tèpa Juif, âna rà pwamaina Pwiduée mwara, gée goro ê pai wâdé kêe ba kàra. Ba jèe nye wii naa na Tii Pwicîri pâ: Go o nyabiri dò; pwamaina neegà naa nabibiu kâra pâ Ba. Psaume 18.50
10Â jèe wii mwara naa na jè ére, pâ: Guwà cau ipwàdée, wâguwà pâ Ba. Guwà cau nyabiri mara Ba kêe, pwi Ba kà Pwiduée. Deutéronome 32.43
11Â jèpwi mwara, âna: Pwamaina Pwi Ukai, tèpa âboro diri. Guwà nyabiri dò ê pwényuâa kêe, wâguwà pâ Ba! Psaume 117.1
12Â é ina mwara wà *péroféta Isaia, pâ: Ée mwa cimadò pwi gòobàra Jessé. É mwa pitûâ wàé kâra diri pâ Ba. Nye gée gooé kaa, pâ aupwényunyuâari, na me gée goo Pwi Ukai. Nye majoroé wàé na rà cèikî naa goo. Ésaïe 11.10
Roma 15
Roma 15:8-12