Roma 12:9-20

⁹Dumi pai awa tama meni gege oko wawe. Tani wayare gawa bia maise, ata tani ewanana awa ziro tata-tata wewo.

¹⁰Nikare otao-gamao me wero zo ina-wa inoise noiwo. Ina-sorema wamu yaba wewo.

¹¹Biawa wai doro putoure noiwo. Wama erai Tua sou wamu sero weso-waso wewo.

¹²Uture kotumu-kotumu inoise yawa sarare noiwo. Yayare duba naire amira mokara zewai wero noiwo. Isa bua awa eyaya inoise noiwo.

¹³Anutura ema dubu nena kau wero inuara giro soga wewo. Esewa kei awara peu wero sawa diro kora-makora wewo.

¹⁴Nikare dero tunamunora nukare awa Anutu meni gawa waise isa sewo. Be nisokarera ena waru ge kota gawa ge osaise.

¹⁵Ema yawa sara inora numorekare dai yawa sara wewo. Ota ema duba nitinora numorekare dai duba niwo.

¹⁶Nikare wama-ozaire noiwo. Nikare nitopekare gawa oko witaise. Ema osaire dai noiwo. Nikare ninai nisokare gawa oko witaise.

¹⁷“Pasina namore wetia ina wane,” ago oko sawe. Tani ema bama meni gawera ewanana inowia, awa wamu yaba wewo.

¹⁸Ema dubu giti amire dai begare nuamu sawa ninamunora amira te noiwo.

¹⁹Otao mamai, pasina nimorekare wetera amira ina oko wawe. Tuara be dumu meni ina potai te waise. Ge ego gayai itia awa, Pasinara ina potai awa bua naso. Ina potai awa na natope potamunona. Tua nu ago toya awa.

²⁰Nikare ge gayai zo ego itia amira te wewo, Iwo niso meri betai giro ma poti nae, ou uza wai giro ou poti nae. Ni ago wasa nu ni giro me nae. Me nai nuso awa yaya bamu niao moka giti nusora dauta awai ago ine awa.