Rom 2:13-19

¹³Pun ekewe aramas resap küna pwüng mwen mesen Kot ren ar rongorong ngeni ekewe Allük, nge ren ar apwönüetä pwüngün ekewe Allük.

¹⁴Ekewe chon lükün Israel esap wor rer ekewe Allük. Nge iteiten fansoun ra föri pwüngün ekewe Allük ren mefien letiper, ra pwärätä pwe ra silei met repwe föri ika resap föri, inamwo ika esap wor rer ekewe Allük.

¹⁵Ar föför a pwärätä pwe pwüngün ekewe Allük a mak lon letiper. Mwelien letiper a pwal pwärätä pwe ei a let, pun fän ekoch ar ekiek a atipisiir, nge pwal fän ekoch a peniir.

¹⁶Ren pwüngün ewe Pworausen Manau üa afalafala epwe iei usun mine epwe fis lon ewe Rän lupwen Kot epwe apwüngü ekewe ekiekin aramas mi monomon ren Jesus Kraist.

¹⁷Nge ifa usun en? Ka püsin aita ngonuk eman chon Juta. Ka lükülükü ekewe Allük o sikäsini usun om chiechi ngeni Kot.

¹⁸Ka silei mine Kot a mochen pwe kopwe föri, ka pwal kaiö seni ekewe Allük pwe kopwe filätä met a pwüng.

¹⁹Ka lükü pwe en eman chon emwen fän iten ekewe mi mesechun, pwal eu saram fän iten chokewe mi nom lon rochopwak,