RUUMIYA 2:13-19

¹³Haali/ uni gwansan gun shirki gwoŋḵan jin c̱inu ki ’ce mo tani uni yisa nta uniŋ ḵar/e ibwambor ma Arumgimis yisa. Hili uni gwansan gun miiki a’di mo tani uni idhunu ki mo ma ḵar/e mo be.

¹⁴Dhali ki ’kwani kun ’koki ta ’Kwani Yahuuda/ kun dar gi gwoŋḵan jin c̱inu mo mii ki buyem pa ki is buni a’di jin ḵana gwoŋḵan jin c̱inu mo tani uni ta gwoŋḵan ki is buni mo be. Hili ba uni idaran gi gwoŋḵan jin c̱inu mo.

¹⁵I/uni iṯori a’di mo ki a’di jin ḵana gwoŋḵan jin c̱inu mo tani a’di ’kwarkunu eya dum buni mo. Dhali kan si’da/ ’twa/ ma dum buni ta’da man/o gwo mo dhali gwo kun kuluma uni i bwa ki ji wushur mo tani yer uni is ki gway mo walla tor gwo ’twa/ mo sayii

¹⁶ka tee gwansan ka Arumgimis midi dwall ’kwani gwo kun kuma uni e bwa mo isi ki gwom ’borgam pem ka Ḵrisṯẖos jin ta’da Yesus mo be.

¹⁷Hili waḵki/ /e yuḵki is pini ki Wathi/ Yahuuda/ mo dhali c̱a’b ’ko’d e gwoŋḵan jin c̱inu mo tani dhali kar ’bam pini ki ca mo ki /e ta jim pa goma Arumgimis mo tani

¹⁸dhali mish bwam piti mo dhali ṯes a’di jin ta isa ’borgaŋ gana/ mo haali/ /e ye’thkunu sho’k mo e gwoŋḵan jin c̱inu mo be tani

¹⁹dhali waḵki/ /e mishkin ka jiŋ gana/ ki /e tana manshu ’kwani kun tana ja’da/ bway mo tani dhali ki /e ta moŋkush gom uni gun ’kon mo e mondhurumi’d mo tani