PSALMORUM 24:5-10

⁵Dirige me in veritate tua, et doce me, quia tu es Deus salvator meus, et te sustinui tota die.

⁶Reminiscere miserationum tuarum, Domine, et misericordiarum tuarum quæ a sæculo sunt.

⁷Delicta juventutis meæ, et ignorantias meas, ne memineris. Secundum misericordiam tuam memento mei tu, propter bonitatem tuam, Domine.

⁸Dulcis et rectus Dominus; propter hoc legem dabit delinquentibus in via.

⁹Diriget mansuetos in judicio; docebit mites vias suas.

¹⁰Universæ viæ Domini, misericordia et veritas, requirentibus testamentum ejus et testimonia ejus.