MELKAHKA KAN 24:5-10

⁵KAUN-O pahn ketin kupwuramwahwihirailda oh doareirailla; Koht pahn ketin kalohkihda me sohte diparail.

⁶Ih soangen aramas pwukat me kin patohdohng rehn Koht, me kin patohdohng mwohn silangin Koht en Seikop.

⁷Kumwail ritingada wenihmw kan, kumwail langahda wenihmw laud akan, pwe nanmwarki lapalapo en ketilong!

⁸Ihs me nanmwarki lapalap menet? lei ih me KAUN-O, me roson oh manaman, KAUN-O, me kin powehdi nan mahwen.

⁹Kumwail ritingada wenihmw kan, kumwail langahda wenihmw laud akan, pwe nanmwarki lapalapo en ketilong!

¹⁰Ihs nanmwarki lapalap menet? lei ih me KAUN-O, Wasa Lapalahpie-iei ih me nanmwarki lapalapo!